KORONADAL CITY – Wala pa sang sabat ang LGU Banga angot sa pagdeklarar nga invalid sang Sangguniang Panlalawigan ng South Cotabato on unanimous sponsorship ang Municipal Ordinance No.189 series of 2024.
Nangin kontrobersiyal ang nansambit nga Municipal Ordinance bangud sa naga hatag suno pa ini sang limitasyon sa numero sang mga Small Town Lottery sa nasambit nga banwa.
Sa sesyon sang Sangguniang Panlalawigan ng South Cotabato nga ginpatigayon gindesisyonan sang mga Board Members nga indi balido ang nasambit nga ordinansa.
Madumduman nga nagapangatubang subong sang kaso nga culpable violation of the constitution and abuse of authority ang mga opisyal sang Banga nga ginalakipan nanday Banga Mayor Evangeline Palencia Vice Mayor Gemma Lloren kag mga katapu sang Sangguniang Bayan.
Ang nasambit nga kaso ang ginpasaka sang JY Archers Games and Entertainment Corporation sa Sangguniang Panlalawigan sang South Cotabato.
Ini ang ginkumpirmar ni Vice Governor Arthur Pingoy Jr sa interview sang Bombo Radyo Koronadal.
Suno kay Pingoy, ginpasaka sang complainant ang kaso matapos ang ginhimo nga pagpangbaklas sang LGU sa masobra 80 ka mga Small Town Lottery ukon STL booths matapos nga ginpatuman nila ang local ordinance nga nagalimita sa operasyon sang STL.
Sa complaint nga ginpasaka sang JY Archer, gin-insister sang mga ini nga ang STL ang yara sa idalom sang Philippine Charity Sweepstakes Office ukon PCSO rason nga wala sang gahum ang LGU nga i-regulate ang operasyon sini.
