KORONADAL CITY – Ginsaysay sang bata ni Bombo Bart Maravilla, nga anay chief of reporter sang Bombo Radyo Koronadal, ang kaayo sang iya amay bilang isa ka trabahante sang waragwagan kag bilang isa ka padre de pamilya sa ila.
Ginhimo ni Jhan Chiene Maravilla ang pahayag kadungan sa ika-23 tuig nga anibersaryo sang Bombo Radyo Koronadal kahapon.
Sa ekslusibo nga interbyu sang Bombo Radyo kay Jhan Chiene, isa ka maayo nga amay kag alagad sang media ang ila haligi sang puloy-an.
Nangin idolo niya man ini kag nagapabilin ang legasiya sini sa tanan nga mga nagapamati sang Bombo Radyo Koronadal, butang nga luyag niya ipadayon.
Bangud sa dedikasyon sang iya amay, luyag sini nga ipadayon ang iya naumpisahan gani sa pag-gradwar sini luyag sin nga mag-apply gilayon sa Bombo Radyo Koronadal.
Palahog pa sini nga ginsambit ang iya pangalan kadungan sa pagsinggit sa tagline sang Bombo Radyo.
