May ara sang nakatalana nga pamaagi ang mga Legal Council sang KOJC agud nga sabton ang tanan sa pagdepensa sang KOJC leader Pastor Apollo Quiboloy sa tanan nga mga alegasyon batok sa iya.
Ini ang nangin pahayag ni Jeffrey “Ka Eric” Celiz- Secretary General sang SAMBAYANAN sa interview sang Bombo Radyo Koronadal kadungan sang paahayagn nga imbestigaran anay sa Pilipinas si KOJC leader Pastor Apollo Quiboloy para sa mga krimen nga iya nahimo sa pungsod.
Suno sa Department of Justice, kon ma-convict ang pastor, dapat anay nga magserbi sang iya sentensya diri sa Pilipinas antes tugutan ang ano man nga request sang Amerika para sa posible nga extradition ni Quiboloy.
Dugang pa sang ahensya nga ginakilala sini ang extradition treaty nga may yara ang Pilipinas sa Amerika sa diin, nagapangatubang man sang madamo nga kaso si Quiboloy kag yara sa most wanted list sang Federal Bureau of Investigation (FBI).
Una na nga ginpahayag ni Justice Secretary Jesus Crispin Remulla nga sundon nila ang due process sa pag-imbestigar kay Quiboloy
