KORONADAL CITY-Mas naga init pagid ang istorya legal sa tunga sang 2 ka Gubernatorial candidate sa bahin sang probinsya sang Sultan Kudarat samtang naga hilapit ang piniliay. Ini makaligad nga nangin madinalag-on ang ginfile nga petition for cancellation ni Sharifa Akeel-Mangudadatu batok sa COC sang naga isahanon nga kasumpong sa pagka gobernador nga si Datu Pax Ali Sangki Mangudadatu.
Sa eklusibo nga pagpakighinun-anon sang Bombo Radyo Koronadal kay Ret.Judge Lorenzo Balo, Sultan Kudarat Legal Adviser, ginpaathag sini nga ginhatagan na sa karun sang 5 ka adlaw Datu Pax Ali Sangki Mangudadatu para nga mag file sang Motion For Reconsideration kasunod man sang gin paguwa nga resolusyon nga 1st Division sang COMELEC nga nagkansela sa COC sini.
Dugang pa ni Judge Balo, ang nasambit nga resolution ang wala pa ginakabig nga “Final and Executory” kag kinahanglan pa nga magfile sa COMELEC en banc sang MR si Datu Pax Ali Sangki Mangudadatu kun sa diin lakip na ang kabug-usan nga division sang komisyon kag ginkalakipan sang Chairman sang COMELEC agud nga resobaron kag sintensyahan ang nasambit nga Motion For Reconsideration.
Madumduman nga si Datu Pax Ali Sangki Mangudadatu ang hinablos ni Congressman Esmael “Toto” Mangudadatu nga bana ni Sharifa Akeel-Mangudadatu. Mag luwas kay Sharifa Akeel-Mangudadatu, nagfile man sanday Azel Mangudadatu kag Bai Ali Untong sang kasubong man nga petition.
