KORONADAL CITY- Nagapadayon sa karon ang imbestigasyon sang mga otoridad sa nagluntad nga pagpangluthang-patay sa isa ka kumander sang MILF sa Barangay Bual Sur, Midsayap, North Cotabato.
Ini ang ginpahayag ni PLt.Col Rolly Oranza, COP sang Midsayap MPS sa interbyu sang Bombo Radyo Koronadal.
Ginkilala ang nasambit nga biktima kay Jordan Tayuan, kumander sang Moro National Liberation Front, kga residente sa nasambit nga lugar.
Sandig sa imbestigasyon sang mga otoridad, nag abot suno pa ang mga suspek sakay sa isa ka naga duag sang itom nga mini van kag hinali nga ginluthang ang biktima sang makapila ka bes usar ang isa ka M16 assault rifle kag .45 caliber pistol.
Gilayon naman nga nagpalagyo ang mga suspek padulong sa Datu Piang, Maguindanao del Sur.
Personal grudge naman ang ginatan aw nga motibo sa krimen.
Sa karon mas ginahibalo pa sang mga otoridad kun kag sin o ang mastermind sa pagpatay sa isa ka kumander sang MNLF.
