KORONADAL CITY – Gin pasiguro sang 6ID Phil.Army nga indi makalapos ang tanan nga mga private armies sa pila ka mga naga kandidatura sa palaabuton nga piniliay nga magsang-at sang ila nga mga Certificate of Candidacy ukon COC’s.
Ini ang pahayag ni Lt.Col John Paul Baldomar, 6ID Phil. Army spokesperson sa ekslusibo nga interbyu sang Bombo Radyo Koronadal.
Suno sa opisyal , mas gin pahugtan pa sang ila nga grupo kaupod ang PNP kabahin sa pag patuman sang election gun ban.
Dugang pa sini, sa sini nga pamaagi sarang nga malikawan ang pag patigayon sang mga lawless elements kag pila ka mga lawless groups kasubong sang Daulah Islamiyah kag BIFF sa mga lugar kong sa diin magsang-at sang mga COC’s ang mga aspirants.
Magluwas pa diri, hugot man ang Gun ban para sa mga indi uniformed personnels, magapadayon man ang operasyon sang militar batok sa mga terrorista nga grupo nga sarang mag sabotahe sang filing sang COCs.
Kong madumduman, hugot man nga ginalikawan sang mga otoridad ang natabo sa brutal nga Maguindanao Massacre nga nagluntad sa Sitio Masalay ,Brgy.Salman, Ampatuan Maguindanao tuig 2009 sa tion sang pagsang-at sang COCs.
