KORONADAL CITY- Gindagsa sang masobra 500 ka indibidwal ang ulihi ga voter’s registration sang COMELEC sa syudad sang Koronadal.
Kaangot sini, wala sa gihapon madula ang paliwat-liwat nga problema kasubong sang malaba kag mahinay nga linya, kakulangan sang mga requirements sang nagaparehistro kag iban pa kasubong na lamang sang isa ka empleyado nga si Sammy Abdul nga napilitan nga mag trabaho bangud sa pagakaunon lamang sang paglinya ang iya nga oras bag-o tigayon nga maka ilis sang residensya kag mangin rehistrado nga botante na sang Koronadal sa baylo nga sa Columbio, Sultan Kudarat bangud pila ka tuig naman ini nga naga istar sa Koronadal.
Dugang pa sini nga ginpili sini nga sa deadline magparehistro bangud sa pagpati sini nga dyutay lamang ang magaparehistro apang ginkakibot sini nga nagdoble ang numero.
Samtang suno naman kay Koronadal City Election Officer Atty. Michael Ignes wala sila nagkulang sa pahanumdom sa voter’s registration apang sa pihak sang nagdoble nga numero sang mga nagpalagas pagatinguhaon nila nga marehistro ang mga ini.
