KORONADAL CITY- Ginhatagan punto ni Koronadal City Public Market Supervisor Jonard Manansala nga pagahatagan man sang City Government sang tion ang mga laray vendors nga makapadayon sa ila palangabuhian.
Apang may kondisyon nga kinahanglan sang laray vendors nga magsunod sa regulasyon sang Public Market kun sa diin pagatugutan sila makabaligya halin 4:00 am tubtob 9:00 am kag 4:00 pm tubtob 9:00 pm.
Samtang kaangot sini sa tion nga magbukas na ang night market, igabalhin na ang mga laray vendors agud malikawan na ang indi organisado nga pagdisplay sang mga baligya.
Nahibaluan nga yara sa 307 ang kabug-usan nga laray vendors sa syudad nga nagapaninguha man agud makapangabuhi.
Una na nga nagpasalamat ang mga Laray Vendors kay Mayor Eliordo Ogena sa ila pakighinun-anon sa alkalde kun sa diin ginpamatian ang ila pangabay nga tugutan sila nga makabaligya.
Pagalauman sa Nobyembre 11, 2019 ang pagbukas sang Koronadal City Public Market base man sa target sang City Government.
Ginabantayan man ang paglunsar sang Green Market sang syudad nga isa ka sustainable kag environment friendly nga palengke
