KORONADAL CITY- Ginlubong na ang isa ka lapsag nga nasapwan nga patay sa isa ka irrigation canal sa Purok Pagkakaisa, Barnagay Caloocan, Koronadal City.
Ini ang ginkumpirma ni Barangay Captain John Manaay sang Barangay Caloocan, City of Koronadal sa interbyu sang Bombo Radyo Koronadal.
Suno sa kapitan, yara sa satge of decomposition na ang lapsag sang makit an ini sang pamilya Pojol kahapon , alas 10 sang aga sa irrigation canal sa ila nga palayan.
Indi naman mahambal ni Kapitan Manaay kung ini ang halin sa ila nga Barangay o kun gin anod sang tuman ka mabaskog nga current sang tubig halin sa kaipi nga barangay.
Dugang pa sang opisyal nga wala na suno pa ginbatom sang punerarya ang nasambit nga lapsag bangud sa kundisyon sini, kag nagpasugot na lamang ang pamilya sang nanakita nga ilubong ini sa ila nga lupa.
Gilayon naman nga nagpatawag sang layco agud ipangamayo ang lapsag kag ginhatagan ini sang pangalan nga “John” antes ginlubong nga nakaputos pa sa tela nga puti.
Nagpanawagan naman ang opisyal nga mangin responsable nga ginikanan bangud madamo sang nagapangandoy nga magkabata apang wala gin hatagan sang tsansa.
