KORONADAL CITY- Tigayon na nga ginlubong ang lapsag nga patay nga ginbilin sa isa ka basurahan sa YBL terminal sang nakaligad nga semana.
Ang nasambit nga lapsag ang ginlubong sa Public cemetery sa syudad sang Koronadal subong gid lamang nga hapon.
Samtang sa pihak nga bahin maid-id nga ginatun-an na sang Koronadal City PNP ang kuha sang CCTV footage nga posible mangin sabat sa krimen nga pagbilin sang lapsag nga ginsang-sangan sang napkin kag tissue nga nasapwan nga patay sa c.r sang YBL terminal sang tinalikdan nga adlaw sang domingo.
Nahibaluan nga isa sa mga suspek nga ginalantaw amuh ang babayi nga ulihi nagsulod sa nasambit nga c.r sang sabado sang gab-I.
Dugang pa nga ginpahayag ni Koronadal City OIC chief of police Supt. Jodelito Guisinga nga wala pa ma establisar ang bug-os nga identity sang suspek apang ini ang naitsurahan nila base sa pag review sang CCTV footage.
Sa subong padayon sa gihapon ang ila nga imbestigayon sa nagluntad nga insidente kag ginaimbestigaran naman ang utility nga nagbulig man suno pa sa sa iloy sang bata.
