Lapsag nasapwan nga patay sa sulod sang CR sang YBL terminal

KORONADAL CITY- Nagapadayon pa ang imbestigasyon sang Koronadal City PNP angot sa nasapwan nga lapsag sa Yellow Bus Terminal sa syudad sang Koronadal.

Sa ekslusibo nga interbyu sang Bombo Radyo Koronadal kay Alfred Miguel Jr. Supervisor Incharge sang YBL terminal, takna alas 7:30 sang masapwan ang nasambit nga lapsag nga ginsulod pa sa basurahan kun sa diin ginsang-sangan pa ini sang napkin sa iya nga baba.

Sa subong blangko pa ang mga otoridad kun sin-o ang suspek sa nasambit nga pagbilin sang lapsag sa basurahan.

Kaangot sini, yara na sa Koronadal City PNP ang CCTV footage nga ipaidalom sa imbestigasyon agud mahibaluan ang yara sa likod sang krimen.

Samtag, yara na sa pribado nga punerarya ang bangkay sang lapsag.