KORONADAL CITY -Tigayon na nga ginlubong sang mga local officials sa Brgy. Busok, Bagumbayan, Sultan Kudarat makaligad nasapwan ini sang pila ka mga concerned citizens sa nasambit nga lugar.
Suno kay Kapitan Edilberto Palsario sa interbyu sang Bombo Radyo Koronadal, gilayon nila nga ginrespondehan ang Prk. Kauswagan kun sa diin nakit-an sang isa ka concerned citizen ang lapsag sa higad sang Alah river pasado alas 6 sa aga kaina.
Ginpahayag sang kapitan nga wala na sang kabuhi ang nasambit nga lapsag makaligad ginbun-ag sang iloy.
Gilayon naman ini nga ginhatagan sang disente nga lubong sang mga residente kag mga opisyales.
Dugang ni kapitan Palsario, gina-trace na nila kun sin-o ang iloy nga nag-abort sa iya kaugalingon nga lapsag.
Nahibaloan nga ini ang una nga insidente sang abortion nga nagluntad sa nasambit nga lugar.
