Naglab-ot na sa masobra 880,000 ka mga tawo ang apektado sang impact sang Southwest Monsoon ukon hangin Habagat, bagyo Butchoy, kag Supertyphoon Carina as of July 25.
Sa report sang National Disaster Risk Reduction and Management Council (NDRRMC), yara na sa masobra 880, 000 ka mga tawo ukon malapit 200, 000 ka mga pamilya ang apektado sang weather disturbances.
Kalabanan sa mga ini ang na-report sa Bangsamoro sa diin masobra tunga sa milyon ang affected individuals, ginsundan sang Soccsksargen nga may masobra 200, 000, Mimaropa nga may malapit 45, 000, Zamboanga nga may masobra 13,000, kag Northern Mindanao nga may halos 12, 000 ka mga apektado nga indibidwal.
Nagapabalin sa walo ang numero sang mga na-report nga napatay bangud sa bagyo.
Samtang nagalab-ot na sa malapit P10 million ang nalista nga kahalitan sa agrikultura suno sa NDRRMC.
Kalabanan sa agricultural damage ang yara sa Northern Mindanao.
Samtang 245 naman ka mga pamalay ang damaged sa diin 173 diri ang totally kag 72 ang partially bangud sa malain nga panahon.
Gindeklarar na ang State of calamity sa Pinamalayan, Oriental Mindoro, Jose Abad Santos, Davao Occidental, kag sa Kabacan kag Pikit, Cotabato.
Subong lang nga adlaw, Hulyo 25, ginpaidalom naman ang Metro Manila sa state of calamity.
Samtang, naaglab-ot na sa masobra P29 million ang balor sang bulig nga napanagtag sa mga biktima sang kalamidad.
