KORONADAL CITY-Liwat nga nakapagkit sang pagka tiphang sang duta sa banwa sang Lake Sebu Sebu, South Cotabato bangud sa pag humok sang duta tuga sang pag bubu sang mabaskog nga ulan.
Ini ang kinumpirma sa Bombo Radyo Koronadal ni Lake Sebu Mayor Floro Gandam.
Suno kay Gandam, natabo ang landslide sa barangay Poblacion kung diin natabunan sang nag landslide nga duta ang alagyan kag madamo sang mga punong kahoy ang nagkaratulumba nga nangin rason kong ngaa nabudlayan ang mga motorista.
Sa pagkamatuod, na-stranded ang mga motorista bangud sa panibag-o nga landslide. samtang nagapabilin sa gihapon sa evacuation center ang mga residente sang Barangay Lamcade nga apektado man sang tension cracks.
Sa subong, nagapadayon ang clearing operation kag damage assessment sang MDRRMO sa nasabit nga banwa.
Kabahin sini, nagapanawagan ang alkalde sa mga residente nga indi anay mag padulong sa mga lugar nga gina kabig nga yara sa danger zone labi na sa landslide kag flash flood.
