KORONADAL CITY – Kadungan sang Biyernes Santo,nagpakita sang pagka-good samaritan ang isa ka lalaki sa banwa sang Tampakan, South Cotabato.
Ini makaligad nga personal niya nga gindala sa police station agud nga mauli sa tag-iya ang nakita sini nga pitaka nga may unod nga kwarta kag OR/CR sang isa ka motorsiklo.
Suno kay Police Senior Inspector Harold Coronel, hepe sang Tampakan PNP, gin-uli ni Edgar Samling Saling, 36, may asawa kag residente sang Purok Sunflower 13, Brgy. Lampitak, Tampakan ang wallet nga ginapanag-iyahan ni Dennis Dela Cruz nga residente sang Brgy. Paraiso, Koronadal City.
Si Saling suno pa ang naghatag sang wallet kay PO2 Sherwin P. Gerona nga on-duty sa Tampakan Municipal Police Station kahapon.
Pahayag pa ni Saling, wala nagsulod sa huna-huna sini nga kuhaon ang kag indi pag-ibalik sa tag-iya bangud nagapati siya nga kinahanglan man ini sang tag-iya.
Madami naman ang nagdayaw sa ginhimo ni Saling.
