Lalaki sa Lake Sebu South Cotabato nagselfie anay antes naghikog!
KORONADAL CITY – Padayon pa ang imbestigasyon sang Lake Sebu PNP angot sa nagluntad nga paghikog sang isa ka lalaki sa barangay Denlag sa nasambit nga banwa.
Sa ginpalab-ot nga impormasyon ni Brgy. Denlag, Lake Sebu SoCot kapitan Teng Adam, ginkilala ang biktima nga si sNonito Guinda Gal, 29-anyos kag residnete sang Prk Tinago, Brgy Denlag sa nasambit nga banwa.
Base sa inisyal nga imbestigasyon sang mga kapulisan, nobyemre 12 pa sang nadula ang nasambit nga lalaki kag sang nakaligad lang nga adlaw sang matukiban sang iloy sini nga wala na sang kabuhi kag nagabitay ang iya bata sa isa ka bahin sang ila puluy-an.
Nahibaluan nga antes pa sini ginhimo ang iya nga paghikog, nahimo pa sini nga magselfie sang makaduha ka bes base naman sa narekober nga cellphone sa lugar nga ginluntaran sang insidente.
Isa sa mga motibo sa paghikog sini amuh ang pag-angkon sini sang depresyon makaligad nga gin chismis ini nga may kabit apang wala naman suno pa sang kamatuuran apang nakalab-ot sa iya nga misis sa abroad ang nasambit nga chismis rason sa paglain sang buot sini.
