Sa isa ka adlaw, makapila ka beses ka nga nagatawag sa imo asawa?
Sa Japan, isa ka 38 anyos nga lalaki ang gin-aresto matapos nga nag-phone-stalk sa iya asawa kag gintawgan ini sang masobra 100 ka beses sa isa ka adlaw kag wala nagahambal.
Ang 31 anyos nga babayi nagikan sa Amagasaki sa Hyogo Prefecture ang nakabaton sang makaduluda nga tawag nagikan sa isa ka indi niya kilala nga numero apisar nga wala nagahambal tubtob nga mainit sia kag ginapatay ang tawag.
Ini ang nagpadayon sa pila ka semana.
Maswerte sia kun gab-i bangud nga wala nagatunog ang iya cellphone ilabi pa kun nagahampang sia sa cellphone sang iya bana.
Diri na kag nagduda sia kag nagpanumdom sang mga paagi agud nga ma-expose ang iya stalker.
Samtang nagadugay, ginsuspetsahan niya ang iya bana kag sang ulihi, nagpangayo na sia sang bulig sa kapulisan.
Sang Setyembre 4, gin-aresto sang kapulisan ang iya bana bangud sa paglapas sang anti-stalker law sang Japan.
Sang ginpamangkot ang bana kun ngaa gin-harass niya ang iya asawa ginpahayag niya nga palangga niya ini kag ginatawgan niya apisar nga wala sang may ginahambal nga bisan ano.
Daw kaangay nga ang love language sang bana amo ang pag-stalk sa iya asawa.
