Nakabaton sang pagdayaw ang retirado nga business executive nagikan sa Brazil matapos gin-amat-amat tanom ang masobra sa 41, 000 nga kahoy sa Sao Paolo sa nagligad nga duha ka dekada.
Ang kilala nga Tiquatira Linear Park ang kaangay na sang isa ka lasang matapos nga gintanom ni Helio da Silva ang mga kahoy sa isa ka anay dilapidated area nga masami nga ginasayuhan sang drug dealers kag users.
Si Da Silva nga nagikan pa sa Promissao nga ginabanta 500km nagikan sa Sao Paulo ang nagsugod sa pagtanom sang 2002.
Suno sa 73 anyos, luyag niya nga magbilin sang legasiya sa syudad nga ginpahayag niya nga nag-adoptar sa iya.
Ginpahayag man niya nga naggasto sia sang ginabanta $7,000 sa tagsa ka tuig apang ginkabig niya ini nga worthwhile investment para sa iya kaugalingon.
Kasunod sini, ginkabig si Da Silva nga isa ka lokal nga baganihan.
