KORONADAL CITY – Patay ang isa ka lalaki matapos ini ang ginlabo sang makapila ka beses sa bahin sang Purok Masipag, Brgy. Lumakil sa banwa sang Polomolok, South Cotabato.
Ang napatay nga biktima ang ginkilala sa kay Ricardo Panayas 37 anyos isa ka empleyado sang AMCOOP kag residente sang amo man nga banwa.
Samtang ang suspetsado ang ginkilala sanday alyas “Justine” 23 anyos kag alyas “Fesio” 48 anyos kag lunsay residente sang amo man nga banwa.
Sa imbestigasyon sang mga katapo sang Polomolok PNP, nahibaluan nga magapauli na ang biktima halin sa trabaho sang ginpara sang duha ka mga suspetsado kag ginlabo gamit ang isa ka binangon ukon lagaraw.
Nag agom sang madamo nga kapilasan sa nagkalainlain nga parte sang iya lawas ang biktima nga gilayon nga gin dangat sa Polomolok General Hospital apang gindeklara man ini nga Dead on Arrival sang iya mga doktor.
Mahibaluan man nga una na nag away ang biktima kag mga suspek may kaangtanan sa ila trabaho.
Sa karun nagapadayon ang hotpursuit operation sang mga katapo sang Polomolok PNP sa pagdakop sa duha ka mga suspek nga madasig nga nagapalagyo sa wala mahibal-i nga direksyon.
