KORONADAL CITY- Dead on arrival sa Landero Clinic and Hospital ang isa ka lalaki matapos nga ini ang gintiro patay pasado alas 7:30 subong nga aga dira sa bahin sang Zone 5,Brgy. Poblacion sa banwa sang Surallah,South Cotabato.
Ang biktima ang ginkilala sa kay Jemar Sabio Moriño 34 anyos may asawa,isa ka promodizer kag residente sang amo man nga banwa.
Sa interbyu sang Bombo Radyo Koronadal kay Leah Asim, asawa sang biktima, ginpahayag sini kasamtangan nga nagahulat sang iya sundo sa guwa sang ila ginadayunan nga boarding house ang iya nga bana sa paglakat sa iya trabaho sa Syudad sang Koronadal,sang makabati ini sang 5 ka magkasunod nga lupok halin sa atubang sang ila boarding house.
Ginkakibot sini ang lupok sang pusil,kag sa iya paglantaw sa guwa ,nakita nalamang sini ang bana nga nagahapa sa dalan may 30 ka metros halin sa ila boarding house kag may igo ini sang bala.
Nag agum ini sang 6 ka mga igo sang bala sa iya ulo,dughan kag likod ang biktima nga gilayon .man nga gindangat sa Landero Clinic and Hospital apang gindeklara nga dead on arrival.
Sa karun ang patay nga lawas sang biktima ang yara na sa paghinakop sang Saint Peter Chapels,para sa pagproseso sang SOCO team sa bangkay.
Samtang nagapadayon ang imbestigasyon sang mga katapo sang Surallah PNP may kaangtanan sa pagluthang patay sa biktima.
