Mahilig ka bala nga magpabutang ukon magbutang sang chikinini?
Abaw mga ante, angkol, indi naton pagpatam-an.
Patay ang isa ka lalaki sang ginhimuan sang chikinini sang iya nga nobya.
Sandig sa imbestigasyon sang otoridad sa Mexico, ginpakilala sang 17 anyos nga si Julio ang iya nga nobya sa iya pamilya pinaagi sa isa ka dinner date.
Bangud sang kalipay sang nobya, ginsupsop niya nga daw sa li-og ni Julio tubtob nag violet kag nagpula amo ang ginatawag naton nga chikinini.
Na-enjoy gid sang iya nobya nga nadugayan gid ini sa pagsuyop sang iya nga li-og.
Makaligad ang pila ka minutos, hinali na lamang nga nagkurog-kurog si Julio kag ginhingagaw ini dala sa ospital.
Sa masubo nga palad, ginbawian gid ini sang kabuhi matapos nagbilog ang dugo sini kag naglab-ot sa utok nga nagresulta naman sa stroke.
Pagkatapos sang natabo, wala na nagpakita ang nobya sa pamilya ni Julio bangud nga ginabasol na sia sa kamatayon sini.
