Lalaki patay matapos mabungguan ang truck nga nagub-an sa dalan

KORONADAL CITY-Dead on arrival sa South Cotabato Provincial Hospital ang isa ka lalaki matapos nga mabungguan sini ang isa ka Fuso Dropside nga may plate number GKA918 nga loaded sang saging kag ginamaneho sang isa ka Tong S. Kutotan residente sang Buluan, Maguindanao.

Ginkilala ang biktima nga si Jaycart Pible, 38 anyos kag residente sang Prk. Tony Ko, Brgy. Zone III, Koronadal City.

Sa impormasyon nga nakuha sang Bombo Radyo, gikan si Pible sa ila nga simbahan agud nga mag gwardya kag sang papuli ini alas 2 sang kaagahon diri nabungguan ang truck bangud wala ini sang early warning nga ginbutang.