Patay ang isa ka lalaki makaligad nga nahulog ini sa isa ka irigasyon sa Prk. Tagumpay, Brgy. GPS, Koronadal City.
Sa interbyu sang Bombo Radyo Koronadal kay Manang Gemma Revilla, nakakita kag residente sang nasambit nga lugar, naga pamulot suno pa sang mga bote ining biktima sang gilayon nga nahulog sa irigasyon.
Ulihi na nila nakita nga ang lalaki nga galutaw lutaw sa irigasyon.
Gintistingan pa nila ini nga lagson agud nga masalba, apang sa nakuha na nila ini sa irigasyon, may pulso pa sila nabatyagan, apang sa hindi madugay, tigayon nga nadulaan sang kabuhi ang nasambit nga lalaki.
Ginpahayag ni Manang Gemma, nga indi niya daw kilala ang amo nga biktima apang permi niya ini makit an sa ila nga Purok nga naga stand by kag nagapamulot sang mga bote.
Nahibaluan nga may yara suno pa sang sakit sa paminsaron ang biktima kag sa karon ginahibalo pa kung may yara pa ini sang pamilya.
Sa karon, gin asikaso na sang BLGU GPS ang patay nga lawas kag biktima kag ipaidalom sa post mortem examination.
