KORONADAL CITY– Bangud sa paghigugma ang ginalantaw nga rason sang mga otoridad kun ngaa naghikog ang isa ka soltero sa Purok Sunflower A, Brgy. Lampitak, Tampakan, South Cotabato.
Ginkilala ang biktima nga si J-R Lipe, 27 anyos nga residente sang nasambit nga lugar.
Suno sa Tampakan PNP, ulihi nga nakit-an si Lipe sang magbakal ini snag higot kaupod pa ang iya nga abyan kun sa diin naglahog pa ini nga manami suno pa ini usaron sa paghikog apang wala na ini ginsapak sang iya nga abyan.
Pagkaaga ginkakibot na lamang sang mga ini sang makit-an nga nakabitay na ini sa iya nga kwarto.
Samtang sa record sang Tampakan PNP, indi ini ang una nga bes nga magahikog kuntani si Lipe bangud naghana naman ini nga maghikog matapos nga wala nadayon ang iya nga kasal.
