Kung kita ang hubog, dako ang posibilidad nga indi na kita makadumdom sang aton ginahimo.
Kaangay gid lamang sang isa ka lalaki nga nagkadto lang sa isa ka festival, nag-inum inom kag nagbugtaw nga yara na sa sulod sang lungon.
Paano bala ini natabo?
Si Víctor Hugo Mica Alvarez ang nagkadto sa opening sang Mother Earth festival sa El Alto, Bolivia.
Sa Mother Earth festival, ang mga indigenous people ang nagahalad sang bisan ano nga halin sa sapat kag coca leaves sa mga diyosa nga sa ila pagpati, nagabukas sang iya baba para sa offerings.
Suno kay Victor, isa siya sa mga “human sacrifices” nga ginapatihan nga gina-offer sa gihapon sa ancient-style rituals agud nga ma-satisfy ang diyosa.
Sang gab-i antes ini nabugtawan sa kamatuoran, nag-inum inom ini kag nagsinaot kag wala na siya sang may nadumduman pa. //Ang madumduman lang niya amo nga abi niya ara siya sa iya kama kag sang nag-bangon ini agud nga magpangihi kuntani, indi na siya makahulag.
Apang, narealisar niya nga yara na siya sa sulod sang lungon.
Gintinguha-an niya nga makagwa sa lungon kag sang nabuka ang crystal, nagsululod ang lutak.
Ginapakigbato gid ni Victor nga ginhimo siya nga “halad” sa diyosa.
Apang suno sa pulis, natabo ini sa iya bangud sang tuman ka hulugbon.
Gani, ka-Bombo, dapat nga indi magpatama sang pag-inom kay basi pareho ni Victor, pagbugtaw ninyo yara na kamo sa lugar nga indi ninyo gusto nga pahamtangan ninyo.
