Naaresto sang mga otoridad ang isa ka most wanted matapos magpatigayon sang operasyon ang PNP sa Purok 3, Kawayan, San Fernando Bukidnon kaagahon sang Biyernes, Agosto 23, 2024.
Ginkilala ni Police Lieutenant Colonel Efren Salazar Jr., hepe sang Mlang Municipal Police Station ang suspek nga si alyas “Noel”, 54 anyos, may asawa, isa ka mangunguma kag residente sang nasambit nga lugar.
Suno kay PLtCol. Salazar Jr., madinalag-on nga naaresto ang suspek sang gintingob nga pwersa sang San Fernando Municipal Police Station kaupod ang tracker team sang Mlang MPS, sandig sa warrant of arrest para sa kaso nga murder nga wala sang rekomendado nga pyansa.
Apang, ang naaresto nga suspek ang yara na sa kustodiya sang San Fernando MPS kag nagahulat na lamang nga masaylo sa Mlang MPS para sa tama nga disposisyon.
Kadungan sini, ginpasiguro sang kapulisan nga indi sila mag-untat sa paglagas sa mga tawo nga nagahimo sang sala ukon kalainan sa ila isigkapareho.
