KORONADAL CITY- Nakapreso na sa karun sa Criminal Investigation and Detection Group Field Office Region 12 ang no. 1 most wanted person sa banwa sang Esperanza, Sultan Kudarat nga nagapangatubang sa kaso nga 5 counts of Rape sa Sultan Kudarat.
Ang suspek amuh si Eugene Cornelio Magbanua nga residente sang Brgy. Sagasa Esperanza Sultan Kudarat kun sa diin pila ka tuig na nga nagapanago sa layi makaligad ang krimen nga ginakaulamiran.
Nahibaluan nga nagpatigayon sang imbestigasyon ang mga otoridad kag natukiban nga naapanago ini sa Ulas, Davao City kag gilayon nga nagpatigayon sang operasyon ang gintingob pwersa nga CIDG 12 kag CIDG Davao City batuk kay Magbanua kag tigayon ini nga naarestar pinaagi sa warrant of arrest nga ginpagwa ni Hon. Renato Gleyo RTC Judge Branch 19 sang Isulan, Sultan Kudarat.
Sa karun yara na sa kustodiya sang CIDG 12 si Magbanua para sa nagakaigo nga disposisyon.
