Kun kadamo gani sang ulubrahon sa opisina, wala-tuo ang reklamo nga imo mabatian.
Apang may tawo ka bala nga nabatian nga nagreklamo bangud ginabayaran lang pero wala man sang ulubrahon?
Isa ka financial manager nga nagaobra sa national railway network sang Ireland ang nagreklamo bangud ginabayaran lang siya kuno sang ginabanta $130,000 ukon yara sa P7.2 million kada tuig agud lang nga magkaon sang iya panyaga kag magbasa lang sang pahayagan bilog nga adlaw!
Kun para sa iban, matawhay ini nga obraā€¦ para naman sa tagreklamo nga si Dermot Alastair Mills, isa ini ka sahi sang diskriminasyon sa trabaho nga indi na niya matolerar.
Ginpahayag sini nga sang nangin whistleblower siya sang accounting sang amo nga kumpaniya sang 2014, ginkakasan siya sang iya ila nga mga ulubrahon tubtub nga ang nabilin na lamang nga trabaho amo ang pagkaon kag ang pagbasa sang newspaper.
Apisar sini, nagaabot ang regular paycheck kada bulan kag nagaabot gid ang iya nga sweldo.
Kun kaisa suno kay Dermot, naga-check man sya sang emails apang wala man sang emails nga kaangot sa work, wala man sang messages, wala sang communications, kag wala man siya sang communication mangin sa iya nga mga katrabaho.
Gindangop ni Dermot ini nga reklamo sa Workplace Relations Commission sang Ireland.
Gin-athag sini nga ginabayaran lang siya agud wala man sang himuon kag nagakadalahig diri ang iya nga skills.
Feeling ni Dermot, isolated siya kag wala gina-lakip sa company meetings kag training opportunities.
