-- ADVERTISEMENT --
KORONADAL CITY – Patay na sang masapwan ang isa ka lalaki sa Purok 8, Barangay Kalkam, Tupi, South Cotabato subong nga aga sang Miyerkules.
Suno sa mga nakakita, nakibot na lamang sila nga may bangkay sang lalaki sa sapa bangud indi man nila ini kilala.
Sa kasamtangan, wala pa sang identity ang biktima kag padayon ang imbestigasyon sang mga otoridad agud nga matumod ang pangalan sini kag mahibaluan ang gintunaan sang kamaatayon.
Padayon sa karon ang pagtipon sang impormasyon gikan sa mga residente nga mahimo nakakita sang hitabo.
