KORONADAL CITY- Padayon sa karon nga gina-obserbaran sa isa ka baly bulungan ang isa ka lalaki nga naghana nga maghikog makaligad nga mabiktima sang test scam sa banwa sang Parang, Maguindanao.
Suno sa Parang PNP ginkilala ang biktima nga si Joseph Manuel, 27-anyos, residente sang Brgy Guiday sa nasambit nga banwa.
Nagagwa naman sa imbestigasyon nga nasapwan nalang ang biktima sang iya nga asawa nga nagabitin na sa sulod sang ila nga puluy-an.
Tuman suno pa nga ginbatyag sang biktima ang pagpang-into sa iya sang wala pa makilalal-an nga swindler pinaagi sa isa ka text message kun sa diin ginbaligya pa sini ang iya nga hinuptan nga karbaw.
Wala na suno pa nagpabatyag ang suspek makaligad nga makuha sini P30,000 halin sa biktima.
Sa karon nagapadayon pa ang imbestigasyon ng mga otoridad sa panibago nga text scam kag ginahibalo man ang identity sang suspek.
