-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa pagpamusil-patay sa isa ka lalaki sa Boundary sang Barangay Kiteb kag Barangay Brar sa banwa sang Datu Anggal Midtimbang Maguindanao del sur.
Ginkilala ang biktima nga si Nasrudin Badal Maguid, 41 anyos nga residente sang Barangay Poblacion Dalican Datu Odin Sinsuat Maguindanao del Norte.
Sandig sa imbestigasyon sang mga otoridad, sakay sang payong payong ang lalaki sang hinali nga ginpusil sang makapila ka beses sang wala makilala nga suspek.
Sa karon, ginahibalo pa ang motibo sang krimen kag ang identity sang suspek.
