KORONADAL CITY-Nagapaligo sa dugo kag wala na sang kabuhi ang isa ka lalaki nga ginluthang patay sa syudad sang Kidapawan City North Cotabato makaligad ginpaulanan sang bala sang mga wala pa nakilal-an nga mga suspek sa Quezon Boulevard sa nasambit nga syudad.
Nahibaluan nga ang biktima ang ginkilala kay Ismael Igao sang Makilala, North Cotabato kun sa diin ginluthang ini samtang naga apply sang trabaho sa isa ka establisemento sa nasambit nga syudad.
Suno sa mga nakasaksi, duha ka lalaki nga nakasakay sa motor ang nagluthang sa biktima kun sa diin gilayon naman nga nagsibat sa wala matumod nga direksyon sang nagresponder ang kapulisan.
Sa inisyal nga imbestigasyon, nakuha sa crime scene ang 9 nga basyo sang bala kun sa diin ang biktima ang nag-angkon sang mga igo sang bala sa nagkalain-lain nga bahin sang iya lawas.
Sa subong ginahibalo pa sang Kidapawan PNP kun ano ang motibo sang nagluntad nga krimen.
