KORONADAL CITY – Nagapadayon ang imbestigasyon sang mga otoridad sa pagpamuno-patay sa isa ka lalaki sang kaugalingon nga pakaisa sini sa Barangay Rotonda, Koronadal City kagab-i.
Ginkilala ang biktima nga si Rector Lorenzo, 38 anyos, separar sa asawa kag may duha ka kabataan samtang ang suspek ang ginkilala naman nga si Antonio Lorenzo, yara sa legal nga edad, single kag lunsay mga residente sang Purok Osmena, Barangay Rotonda, Koronadal City.
Sa eksklusibo nga interview sang Bombo Radyo Koronadal kay Alyas Bano, utod sang suspek, upod nga nag-inom ang duha sa puluy-an ni Antonio pasado alas-7 kagab-i.
Apang, sini nga pasado alas-7 sa aga na lamang nasapwan nga nagapaligo na sang iya kaugalingon nga dugo ang biktima sa sulod mismo sang puluy-an sang suspek.
Nagapati naman si Alyas Bano nga samtang nagainom, nagbaisay ang duha tubtob naglab-ot sa pagpatay sang suspek sa biktima.
Ini suno pa ang una nga tion nga nag-inaway ang duha rason nga wala nag-ekspektar ang pamilya nga matabo ini.
Sa karon, pagaistoryahon pa sang utod sang suspek ang ginikanan sang biktima agud mabuligan ang paghimos sa bangkay sini.
Nahibaluan nga kasubong nga gin-ihaw sang suspek ang kaugalingon nga pakaisa sini santo sa mga pilas nga naangkon sini sa iya nga lawas.
