Isa ka lalaki ang pilason matapos ginluthang sang duha ka wala pa makilal-an nga lalaki sa Purok Mabinuligon, Barangay San Jose, Koronadal City, South Cotabato sang Mayo 28, 2025, pasado alas 6:45 sang gab-i.
Ginkilala ang biktima nga si Ryan Dela Cruz Fuertes, 45-anyos, kasado kag residente sang lugar.
Suno sa inisyal nga imbestigasyon sang Koronadal City Police Station, nagapauli ang biktima sakay sang iya motorsiklo sang kalit lang siya ginlampusan sang duha ka lalaki nga sakay sang isa ka itom nga Bajaj nga wala sang plate number.
Tatlo ka beses ginluthang ang biktima kag naigo sa nagkalain-lain nga bahin sang iya lawas.
Matapos ang insidente, gilayon nagpalagyo ang mga suspetsado padulong sa wala pa matumod nga direksyon.
Ginrespondehan gilayon sang kapulisan ang lugar matapos makabaton sang tawag halin sa concerned citizen.
Gindanga sa South Cotabato Provincial Hospital ang biktima para sa madason nga pagbulong.
Padayon pa ang imbestigasyon sang mga otoridad kag ginapangita ang duha ka suspetsado sa krimen
