Dead on arrival ang isa ka lalaki matapos mabangga ang iya ginamaneho nga motorsiklo sa isa ka concrete barrier las 5:30 sang aga, subong nga Sabado, Pebrero 21, 2026, sa national highway sa bahin sang Brgy. Zone 3, syudad sang Koronadal.
Ginkilala ang biktima kay si alyas Wil, 27 anyos, isa ka massage therapist kag residente sang Purok 3, Brgy. Maltana, Tampakan, South Cotabato.
Sa exclusive interview kay PMSG Leo Dimaculangan – PNP Traffic Investigartor, ginpahayag niya nga posible nga nadulaan sang kontrol si alyas Wil samtang ginamaneho ang iya motorsiklo, kabangdanan nga magbangga ini sa concrete barrier.
Bangud sa kusog sag impact, nag-agom si alyas Wil sang tuman ka pilas sa iya ulo kag iban pa nga bahin sang iya lawas.
Samtang, gilayon man nga gindangat sa balay bululngan ang biktima, apang gindeklarar nga dead on arrival.
Sa liwat naman nga nagpaalinton si PMSG Dimaculangan sa mga motorista nga likawan ang magmaneho sang bisan ano nga sahi sang salakyan kun yara sa impluuwensya sang makahulubog nga ilimnn.
