KORONADAL CITY – Ginahibalo na sang kapulisan ang motibo sa pagpatay sa isa ka lalaki kun sa diin gin-utdan pa ini sang kinatawo.
Ginkilala ang biktima nga si Alberto Delmo, 34-anyos kag residente sang Barangay Mayo, Columbio, Sultan Kudarat.
Base sa imbestigasyon, gin-usar suno pa ang isa ka katana ukon samurai sword sa pagpatay kay Delmo kun sa diin brutal nga ginpataya ng biktima kag gin-utod pa ang kinatawo sini.
Nadakpan naman ang mga suspek nga magpakaisa nga ginkilala kanday Sadam Angkana kag Ruben Aligaya nga amo suno pa ang nagpatay sa biktima.
Narekober sa mga suspek ang duha ka sachet sang ginapatihan nga shabu nga yara pa sa posesyon ni Aligaya.
Hugot ang panginwala ni Aligaya sa akusasyon sa pahayag nga siya lang ang nagmando sa pagpatay kag indi ang mismo nga naghimo sang krimen.
Nagaguwa sa imbestigasyon nga ginmandoan suno pa ni Aligaya ang iya pakaisa nga si Angkana nga patyon kag utdon ang kinatawo ni Delmo kabaylo sang P5,000.
