KORONADAL CITY- Arestado sang Sto.Niño MPS ang isa ka 35-anyos nga lalaki makaligad nga mabalabagan kag makuhaan sang ilegal nga droga sa ginhiwat nga joint checkpoint operation sa Purok Malipayon, Brgy. Ambalgan, Sto. Niño, South Cotabato.
Ini ang kumpirmasyon ni Police Major Joseph Paulo Villanueva, Hepe sang Sto. Niño Municipal Police Station.
Suno sa opisyal ang suspek ang ginkilala kay alyas “Euver” nga residente sang Brgy Poblacion, Sto. Niño, South Cotabato.
Suno kay PMaj Villanueva, dakong naghiwat sang checkpoint ang mga katapo sang Sto. Niño MPS kabulig ang mga kasuldaduhan kag diri ginsita ang suspek bangud sa dala sini nga ilegal nga droga nga nakasulod sa isa ka sling bag.
Narekober gikan sa suspek ang 4 ka piraso sang plastic sachet nga may unod nga ginapatihan nga shabu nga may kabug aton nga ginabulubanta 6 ka gramo nga nagabalor sang Php48,000, isa ka improvised tooter, isa ka piraso sang plastic tube, lighter kag iban pa nga non-drug item.
Sa karon yara sa kustodiya sang mga otoridad ang suspek kag magpanagatubang sa kaso nga RA 9165 o Comprehensive Dangerous Drugs Act of 2002.
