Napagkit sang Lake Sebu National High School halin sa banwa sang Lake Sebu sa South Cotabato ang kampyonato sa nagtakop nga18th Drumline Competition sa kasaulugan sang 85th Foundation Anniversary kag Hinugyaw Festival 2025 sa siyudad sang Koronadal.
Nakabaton sang 50,000.00 pesos nga cash prize kag plaque ang nangin kampyon sa nasambit nga kompetisyon.
Samtang First Runner-up naman sang Christian School of Polomolok halin sa banwa sang Polomolok,South Cotabato nga nakadawat sang 35,000.00 pesos nga Cash Prize kag plaque, 2nd runner up naman ang Koronadal National Comprehensive High School ukon KNCHS nga nagbaton sang 20,000.00 pesos kag plaque.
Nakabaton naman sang tag 20,000.00 pesos nga Consolation Prize ang Sta.Cruz Mission High School sang banwa sang Lake Sebu, Poblacion Polomolok National High School kag Notre Dame of Esperanza Incorporated sa banwa sang Esperanza sa Sultan Kudarat. #
