Koronadal City – Apisar pa man sa madamo nga kabalaka kag tensyon, ginpili gihapon ni Hamda Zainoor Mir, Lakambini ng Koronadal 2026, nga magpadayon sa iya prinsipyo nga “pray, prepare, and perform.”
Sa nangin interview sang Bombo Radyo Koronadal, ginpahayag ni Mir nga indi hapos ang pagsulod sa isa ka beauty pageant, ilabi na sa screening portion, bangud kinahanglan nga preparado ang kandidata sa tanan nga aspeto kag sa pagsabat sang nagkalain-lain nga pamangkutanon.
Ginpahayag man niya ang iya nabatyagan nga kulba sa tion sang coronation night, kag ginpasangkad ang importansya sang stable nga mental health sang isa ka kandidata agud mangin maayo ang performance.
Gindugang pa niya nga isa sa mga leksyon nga iya natun-an sa pagpartisipar sa mga beauty pageant amo ang indi pagdala sang personal nga kabuhi sa pageant world, agud indi ini makaapekto sa performance sa kompetisyon.
Sa pihak sang tanan nga challenges, nagapakita si Mir sang determinasyon kag positibo nga disposisyon, nga amo ang naghatag sa iya sang kadasig kag kusog nga magdalagan sa pageant kag magrepresentar sang Koronadal sa pinakamatahum nga paagi.
