Pormal na nga nagsulat si Senate President Pro-Tempore Ping Lacson kay Senate President Vicente Sotto III agud ipaabot ang iya nga pagbiya bilang chairman sang Senate Blue Ribbon Committee nga naga-imbestiga sa anomalya sang flood control projects.
Ginpahyag ni Lacson saiya nga sulat nga ang pagbiya ang kasunod sang mga alegasyon kag pagkadismaya sang pila ka senador sa direksiyon sang imbestigasyon sang komite.
Suno pa kay Lacson, pila sa mga kaupdanan sini sa Senado ang nagsiling nga ginapukosan sang Blue Ribbon Committee ang pila ka mga senador samtang ginaprotektahan ang mga pila ka mga miyembro sang Kamara nga imbolbado sa kontrobersiya sa flood control projects.
Dugang niya pa, nga nagapabilin nga patas kag wala sang ginapaboran ang ginatigayon nga imbestigasyon sang iya nga komite kag puro ebidensiya kag kamatuoran ang mga basehan sini.
Dugang pa niya, wala sang pulitikal nga konsiderasyon ang iya mga tikang bilang pinuno sang komite kag wala siya sang plano nga magdalagan sa bisan ano nga posisyon matapos ang iya nga termino sa 2031.
