Gindayaw ni Senate President Pro Tempore Panfilo “Ping” Lacson si Foreign Affairs Secretary Ma. Theresa Lazaro sa iya “quiet diplomacy” nga nagsiguro sang luwas nga paglabay sang mga Philippine-flagged vessels kag enerhiya shipments sa Strait of Hormuz.
Suno kay Lacson, importante ini bangud nga amo ini ang agianan sang 80% tubtob 100% sang gina-angkat nga petrolyo sang Pilipinas.
Ginpahayag man sang DFA nga nagkaroon sang “very productive” nga pag-istoryahanay si Lazaro kag Iranian Foreign Minister Seyed Abbas Araghchi, kun sa diin ginpasiguro sang Iran ang luwas nga paglabay sang mga barko kag kaluwasan sang mga Pilipinong tripulante.
Ginpasiguro man ni Lazaro ang kahalagahan sini para sa energy security sang Pilipinas.
Sang Miyerkules, nagpanawagan si Lacson sa mga Pilipino nga magpangamuyo para malampuwasan ang mga hangkat pang-ekonomiya, lakip na ang pagtaas sang presyo sang petrolyo.
