Gina konsidera na subong ni Senate President Pro Tempore Panfilo Lacson nga maghalin bilang chairman sang Senate Blue Ribbon Committee nga nagatutok sa mga maanomalya nga flood control projects sa pungsod. Ini, suno sa iya, tungod sang ginabatyag niya nga ‘dissatisfaction’ ukon kakulang sang pagsalig nga nabaton niya halin sa iban niya nga kaupod nga senador.
Suno kay Lacson, kon mas madamo sa mga senador ang wala sing pagsalig kag indi kuntento sa iya trabaho bilang chairman sang komite, mas maayo pa nga maghalin na lang siya sa amo nga posisyon.
Ginpahayag pa ni Lacson nga ang mga komentaryo nga nabatian niya halin sa iya mga kaupod sa Senado amo ang nagtulod sa iya nga magsumiter sang iya pagbato bilang chairperson sang Blue Ribbon Committee.
Samtang, dumduman man nga sang Sabado, gin-anunsyo ni Lacson nga temporaryo ‘suspended until further notice’ ang Blue Ribbon Committee bangud wala pa naihanda ang pila ka mga dokumento para sa masunod nga pagdungog.
