KORONADAL CITY – Nadakpan sang mga otoridad ang ginakabig nga no. 54 Municipal Most Wanted sa kaso nga 8 counts of Sexual Abuse sa ginpatigayon nga manhunt operation sang mga otoridad sa Sitio Lawaan, Brgy. Masiag, Bagumbayan, Sultan Kudarat.
Ginkilala ni Police Major Arnel P Legada, hepe sang Bagumbayan Municipal Police Station, ang naaresto nga suspek nga si alyas “Bob”, 30 anyos, laborer nga residente sang nasambit nga lugar.
Suno kay PMaj Legada, alas-10:17 sang aga sang Hulyo 27,2024, nadakpan ang suspek sang gintingob nga pwersa sang Bagumbayan Municipal Police Station, SK-PFU12, CIDG SKHPT kag 2nd SKPMFC.
Naaresto ang suspek paagi sa Warrant of Arrest sa kaso nga 8 counts of Sexual Abuse nga wala sang ginrekomendar nga piyansa.
Ang madinalag-on nga operasyon ang nagapakita sang positibo nga tikang sang kapulisan sa kampanya batuk sa kriminalidad.
