KORONADAL CITY – Yara sa kustudiya subong sang mga otoridad ang isa ka mataas nga opisyal sang terorista nga Dawlah Islamiya nga naaristar sang mga kapulisan sa isa ka Checkpoint sa parte sang Barangay Labu-Labu, Shariff Aguak, Maguindanao.
Ginkilala sang Maguindanao Police Provincial Office (PPO) ang suspek nga si Kalid Andalani Kalaing alias “kumander Kalid”, residente sang Barangay Molon, Palimbang, Sultan Kudarat, kag ginpahayag nga sub-leader sang Dawlah Islamiyah Maguid Group.
Nadakpan si Kumander Kalid sa isa ka PNP checkpoint sakay ang isa ka pick-up halin sa Cotabato padulong kon tani sa banwa sang Isulan Sultan Kudarat makaligad nga ginhatag sang Sultan Kudarat PPO kag PNP Intelligence Group sa Maguindanao PPO operatives ang impormasyon nga mag agi si Kumander Kalid.
Magluwas pa sa nangin mataas nga opisyal sang Dawlah Islamiyah, ginapangita man si Kalid bangud sa kaso nga Carnapping kag Homicide.
