KORONADAL CITY-Nagakabalaka subong ang pila ka mga residente sang T’boli, South Cotabato matapos nga ginbuyagyag ni T’boli Mayor Dibu Tuan nga may yara sang grupo sang kulto ang nagsulod sa ila nga banwa kag nagapadayon ang recruitment sa mga lumad.
Sa interbyu sang Bombo Radyo kay Mayor Dibu, ginpahayag sini nga suno sa ila nakuha nga impormasyon madamo na ang narecruit sang mga ini sa lugar kunsa diin target ang mga lumad.
Mangin ang alkalde ang nabalaka man matapos mahibaluan nga isa ka semana na ang mga ini nga may yara sang ginasimba kag wala sang kaon.
Kaangot sini ginmando na sang alkalde sa mga Barangay Captains nga maghimo sang aksyon sa ila tagsa ka Barangay kag naghatag ini sang deriktiba nga indi magpainto sa mga grupo nga ini.
Ginpahayag ni Mayor Tuan nga sa tion nga may mahibaluan pa nga grupo nga nagapangrecruit gilayon nga ipahibalo sa iya agud maverify kun ano nga klase sang grupo ang mga ini.
