Ginkoronahan bilang Miss World Philippines 2024 ang bugal sang Baguio City nga si Krishnah Marie Gravidez.
Sa ginpatigayon nga koronasyon sa Mall of Asia Arena tubtub ‘las dos subong nga kaagahon, Hulyo 20, nagpangibabaw si Gravidez sa 32 ka iban pa nga mga kandidata kag amo ang nagbulos sa titulo ni Miss World Philippines 2022 Gwendolyne Fourniol.
Antes nakuha ang korona sa Miss World Philippines, sulod man anay si Gravidez sa Top 5 sang Miss Universe Philippines 2023 kag nahatagan sang titulo nga Miss Charm Philippines 2023, apang sang Hunyo, nag-atras siya sa amo nga posisyon.
Indi lamang “Rays of Hope” crown ang nakuha sini kagab-i bangud ginhakot man sini ang awards kaangay sang Best in Evening Gown, Best in Swimsuit, Miss Skin by Cathy Valencia, Miss Photogenic, Miss Hello Glow, Miss Procap, kag Miss Dr. Leo awards.
Nangin hosts sa coronation night sanday Billy Crawford kag Universal Woman 2024 Maria Gigante samtang may special performances naman ang Manila Philharmonic Orchestra, Johnoy Danao, KAIA, kag BILIB.
