Ginhatagan sang personalidad sang Korte Suprema ang mga magkarelasyon nga sakop sang LGBTQ+ community.
Ini ang pahayag ni Retired Judge Lorenzo Balo, Legal Adviser sang Sultan Kudarat, may kaangtanan sa desisyon sang Korte Suprema parte sa pag-angkon sang propiedad sang LGBTQ+ couples, sa iya interview sa Bombo Radyo Koronadal.
Suno kay Judge Balo, ang ruling sang Korte Suprema indi nagasiling nga ginahatagan na sang legalidad ang civil union ukon kasal sang mga magkapareha nga myembro sang LGBTQ+ community.
Gindugang pa niya nga ini nga desisyon nagahatag sang katungdanan sa mga lived-in partners nga makaangkon sang propiedad, sandig sa palasundan sang korte.
Nagpahayag man siya sang paglaum nga kasubong sang Korte Suprema, hatagan man sang atensyon sang Kongreso ang cohabiting LGBTQ+ couples paagi sa paghimo sang layi para sa ila.
