Koronadaleño napili nga designer ni Vice Pres. Robredo

KORONADAL CITY-Ginkalipay sang isa sa mga kilala nga fashion designer gikan sa Koronadal City nga Jared Servaño nga siya ang napilian bilang designer sang mga bayo Vice Pres. Leni Robredo.

Nagapasalamat naman ini bangud sa tion nga ginhatag sa iya agud ipakita ang talento sang isa ka Koronadaleño sa fashion industry.

Nahibaluan nga sa mga desinyo ni Jared ginadala sini ang kultura sang Koronadal kag Probinsya sang South Cotabato ilabi na ang tribo nga T’boli kag Blaan nga may yara sang manggaranon nga maragtas sa embroidery.

Ginalauman nga mas makikilala pa ang probinsya kag syudad bangud sa talento nga ginapakita ni Servaño.