KORONADAL CITY– Ginkabig nga best actor ang isa ka Koronadaleño sa ila nga Shortfilm sa ginhiwat nga Shortfilm Festival 2017 nga “Maranhig” sa ginpatigayon nga awarding sa University of the Philippines Film Institute sa Cine Adarna, Osmeña Avenue, UP Diliman, Quezon City.
Ini ginkilala kay Nonelon Llander Are okun may yara sang screen name nga Tonz Llander Are, 31 anyos nga residente sang Purok Malipayon, Brgy. Topland, Koronadal City.
Sa interbyu sang Bombo Radyo kay Are, ginpahayag sini nga sa 23 ka mga entries maswerte ini nga siya ang ginkabig nga best actor.
Ginsaysay man sini ang ila na eksperyensyahan sa ila shooting sa kalasangan kag tubuhan nag tuman kabudlay bangud nakaangkon pa ini sang mga lagob kag pilas.
Apang kasubong suno pa nga nadula ang ila nga kakapoy sang naangkon ang kadalag an.
Nahibaluan nga si Are ang bata sang isa ka anay street sweeper sa Koronadal nga sa subong isa na ka negosyante bangud sa iya nga bulig.
