Koronadal Vice Mayor gintawag nga “revolutionary idea” ang ginaduso nga dissolution of marriage ni House Speaker Alvarez

KORONADAL CITY– Gintawag nga “Revolutionary Idea” ni Koronadal City Vice Mayor Atty. Eleordo Ogena ang ginaduso nga Dissolution of Marriage ni House Speaker Pantaleon Alvarez.

Suno kay Vice Mayor Ogena, nagapati ini nga ang simabahan ang una nga magbalabag sa nasambit nga layi kaupod ang iban nga sektor sa pungsod apisar pa nga may mga rason si Alavrez angot sa ginaduso nga layi.

Dugang pa sang bise alkalde, indi pa masiguro kun ang pagpatuman sang nasambit nga layi ang mabaton sang kadam-an sa mga pinoy kag kun ini mangin sabata sa problema sang mga mag-asawa.

Apang suno sa joint petition ang duha ka kampo ang sigurado suno pa nga maaprubaran ang ila pagbuliganay bangud magkasubong sila nga nagalagda sa dokumento.